الله يرحم الرئيس جمال عبد الناصر ويرحم ويغفر لجميع اموات المسلمين ،مات الرجل منذ أكثر من 39 سنة بعد فترة حكم فعلية أكثر من 18 سنة شهدت نجاحات كبيرة مثل تأميم قناة السويس التي كان نتيجتها بناء السد العالي وشهدت انكسارات رهيبة أهمها هزيمة 67 الي بيسموها "نكسة" وشهد عصره أيضاً تقافة الحديد والنار - الي عنده شنب تحت مناخيره يقول هزيمة 67 والي لامؤاخذة راضع من .......... أمه ينطق - اسمها نكسة يا حيو.... ت ،هو انتم اصلاً بني آدمين علشان تقولو رأيكم أنتو بس تهللو وتغنوا - قلنا هنبني وادي احنا بيننا السد العالي - ،امبارح صحفي محترم عندي على الفيسبوك عامل توبك عن الرئيس محمد أنور السادات بمناسبة ثورة يوليو !!!! وبيقول عواد باع شعبه يا ولاد وكان ردي على جزء من الي بيقوله انه من أكتوبر لـ كامب ديفيد يا قلبي لا تحزن !!! مفهمتش قصده ،بس أنا بحترم نقده للسادات وكنت أتمنى أنه يحترم نقدي وردي عليه وهو اني قلت اذا كنت بتنتقد السادات علشان انتصر في حرب أكتوبر وعمل كامب ديفد التي عليها من جدل الكثير ،يبقى تحترم رأيي في إنه خطأ كبير الخوض في حروب في أماكن بعيدة عن أرض المعركة ذات الأولوية الحقيقية وكمان اذا كنت بتنتقد رئيس دولة علشان انتصر في أكتوبر يبقى لازم تحترمي رأيي في إني بستغرب اننا نهاجم رئيس دول انتصر ونترحم على رئيس سبقه انهزم . المهم لقيت رد غريب من الأستاذ ده رد فيه فعلاً ارهاب من نوعية هو "انت بتفهم" و "ده انا صحفي بقالي 14 سنة" و "انا عملت لقاءات صحفية مع سامي شرف ومحمد فوزي وانت لأ !!!" - ايه شغل العيال ده - وكمان دخل في منطقة محرمة بفى هي البامبرز " بيقولي انه بيكتب من أيام ما كنت انا بلبس بامبرز" طيب يا سيدي عرفنا انك صحفي وبتكتب من أيام ما الناس كانت بتلبس بامبرز بس يا ترى لما كان الأستاذ سيد قطب بيكتب كنت انت بتلبس ايه ؟؟؟

ولا انت ما كنتش بتلبس بامبرز زينا ؟؟؟

الحقيقة هو أسلوبه الادبي جيد ومش بطال !! بس اذا كانت دي أخلاقه ودي طريقته في الكلام "بامبرز" يبقى هل لأسلوبه الأدبي قيمه ؟!

أنا مش صحفي بس يا حبيبي دلوقتي احنا بقينا في عصر الفيسبوك والورد برس والبلوجر واليوتيوب من حق اي حد يقول رايه بالطريقة الي هو عايزها ،بس أنا كمان قلت رايي بمنتهى الأدب آه فيه سخرية بس بشكل مؤدب وسخريتي هي في نقطة محددة وهي رايي في كيفية تقييم الأمور ولكن أن تكون السخرية بألفاظ سوري يعني "بيئة" .. يبقى واضح انك لسة عايش في عصر صلاح نصر و عبد الحكيم عامر وشمس بدران الي هما شايفين طبعاً ان الرئيس الراحل جمال عبد الناصر لا يمكن يغلط بغض النظر عن أي شيء آخر ولهذا السبب طبعاً التمس لهم العذر والله وصدقاً انهم لا يقبلون اي انتقاد لذات الرئيس جمال عبد الناصر فكيف ينتقد وهو لا يخطئ أصلاً !! - دول أعداء الوطن - " ده أمثالي طبعاً الي بيقولوا رأيهم " ،وتحديداً شمس بدران الي طلب من السيدة العظيمة زينب الغزالي انها تعبد جمال عبد الناصر .

بشكل عام بقى البوست ده والله مش علشان نتكلم تاني في المقارنة بين عبد الناصر والسادات ،في النهاية الإتنين ماتو الله يرحمهم وجزاءهم عند الله ولكني أتحدث عن الذين لم يموتون بعد و عن طريقة تفكيرهم وايضاً عن الأجيال الجديدة التي تحتاج لنموذج وقدوة حقيقية تسير خلفه .

مش كل شوية فين ايامك يا جمال ؟

عايز أفهم فين أيامه ؟؟

يا سيدي يا رب ما يرجعها أيام ،اييييييييه عايزين 67 تاني .

بس خلاص